myanmar.vom 미얀마닷봄

"စစ်မှန်သော ဒီမိုကရေစီသည် ပြည်သူတို့၏ အသံနှင့် အတူ ရပ်ရွာမှ စတင်သည်"

အခြေခံ လူအခွင့်အရေး ရရှိရန် ရုန်းကန်လှုပ်ရှား ဆန္ဒပြခဲ့မှုများကို ကျွန်ုပ်တို့ မှတ်မိပါသည်

လူပီသစွာ နေထိုင်လာခဲ့ကြသည့် အသိုက်အဝန်းကို စိုက်ပျိုးရေးဖြင့် ဆက်လက် လျှောက်လမ်းပါမည်

တော်လှန်ရေး အစုအဖွဲ့မှ စတင်သည့် စည်းလုံးမှုကို ချဲ့ထွင်းကာ

ပြည်သူ အချင်းချင်း ပူးပေါင်းဆောင်ရွက်ပြီး ရပ်ရွာ အချင်းချင်း ချိတ်ဆက်သွားမည်

နောင်တချိန် ဌာနေကို ပြန်လာမည့် ရပ်ရွာသူ ရပ်ရွာသားများ၏ အခြေချနေရာ အတွက်

မြန်မာ ထိုင်း ကိုရီးယားရှိ မြန်မာ လူငယ်လေးများ စည်းလုံး ပူးပေါင်းခဲ့ကြပါသည်

မြန်မာ စစ်တပ်ကြောင့် ရပ်ရွာများ မီးလောင် ပျက်စီးသွားခဲ့ပေမယ့်

ထိုနေရာ၌ မွေးဖွားပြီး ကြီးပြင်းခဲ့သည့် ကျွန်ုပ်တို့၏ အိပ်မက်သည် ဌာနေမှာ ဆက်လက် ရှိနေဆဲပါပဲ

ရပ်ရွာသူ ရပ်ရွာသားများ၏ ဆက်ဆံရေးကို ပြန်လည် အကောင်ထည် ဖော်ကာ

ပျောက်ကွယ် ပျက်စီသွားခဲ့သည့် ရပ်ရွာကို ပြန်လည် ထူထောင်ပြီး

သစ်လွင်သည့် နွေဦး ပန်းလမ်း တလျှောက်မှာ 'Myanmar∙VOM' ရပ်တည်နေပါသည်

Myanmar.VOMသည် စစ်အာဏာသိမ်းမှုကြောင့် ပျက်စီးဆုံးရှုံးသွားသော မြန်မာ့ ရပ်ရွာ အသိုင်းအဝိုင်းကို ပြန်လည် ထူထောင်ရန် အတွက် မြန်မာ၊ မဲဆောက်၊ ကိုရီးယားရှိ မြန်မာ လူငယ်များ ပူးပေါင်းပြီး ၂၀၂၅ခုနှစ် ဖေဖော်ဝါရီလ ၂၂ရက် တွင် စတင်ဖွဲ့စည်းခဲ့သည်။ ကိုရီးယားရှိ ရပ်ရွာ လူထု အသိုင်းအဝိုင်း၊ အရပ်ဘက်အဖွဲ့အစည်းများနှင့် ပူးပေါင်း ဆောင်ရွက်လျက်ရှိသည်။

📍 စံတန်ဖိုး

အသိအမြင် ဖွံ့ဖြိုးလာသည်။
အတွေးများ ပိုမိုနက်နဲလာသည်။
လုပ်ဆောင်နိုင်စွမ်း ပိုမိုကြီးမားလာသည်။
အတူတကွ လုပ်ဆောင်တတ်သည့် စုပေါင်းစိတ်ဓာတ်ကို မွေးမြူသည်။

📍 သံန္နိဌာန်

မြန်မာပြည်သူများ စိတ်အေးချမ်းသာ ပျော်ရွှင်စွာ နေထိုင်သွားနိုင်မည့် ဒေသလူမှုအသိုက်အဝန်းကို ဖန်တီးမည်။

📍 ရည်မှန်းချက်

ပြန့်ကျဲနေသည့် ဆက်နွယ်မှုများနှင့် ပျောက်ဆုံးသွားသည့် အနာဂတ်များကို ပြန်လည်ရှင်သန်စေကာ၊ ပျောက်ကွယ်သွားသည့် ရပ်ရွာဒေသတွင်းရှိ အလုပ်အကိုင်များကို ပြန်လည်ထူထောင် လည်ပတ်စေမည်။

📍 လှုပ်ရှားမှု

၁. မှတ်တမ်းတင်ခြင်း-နှစ်သိမ့်ဆွေးနွေးခြင်း-စိုက်ပျိုးရေး-ခေါင်းဆောင်မှုအရည်အသွေးနှင့် ပတ်သက်၍ သင်တန်းပေးသည်။

၂. မြန်မာပြည်တွင်း/ပြည်ပရှိ ပြည်သူများ၏ လုပ်ပိုင်ခွင့်ကို ခိုင်မာစေသည်။

၃. မြန်မာ့လူ့အဖွဲ့အစည်း၏ တရားမျှတမှုအတွက် ပူးပေါင်းလုပ်ဆောင်မည်။

၄. မြန်မာနိုင်ငံနှင့် ပတ်သက်ပြီး မှန်ကန်စွာ သိရှိနားလည် သဘောပေါက်နိုင်အောင် ကူညီမည်။

⭕ လုပ်ဆောင်မှု(၁) မြန်မာ့ ရပ်ရွာဒေသ ပြန်လည်ထူထောင်ရေး လှုပ်ရှားမှုများ ဖြစ်သည်။

လူထု အသိုင်းအဝိုင်း ချိတ်ဆက်မှုကို ပြန်လည် ထူထောင်မည်။
စစ်အာဏာသိမ်းခြင်း ဒဏ်ကို ခံရသည့် လူထု၏ ဘဝနှင့် မျှော်လင့်ချက်ကို မှတ်တမ်းတင်မည်။
မြန်မာ လူထု၏ အသက်ရှင်သန်ရေးအတွက် အစားထိုး စိုက်ပျိုးရေးကို တိုးပွားအောင် လုပ်ဆောင်မည်။
ရပ်ရွာဒေသ ပြန်လည်ထူထောင်ရေးနှင့် စပ်လျဉ်းသည့် နေထိုင်ရေး၊ ကျန်းမာရေး၊ စီးပွားရေး လုပ်ဆောင်မှုများကို ပံ့ပိုးမည်။

⭕ လုပ်ဆောင်မှု(၂) မြန်မာပြည်တွင်းပြည်ပ လူထု၏ လုပ်ပိုင်ခွင့်များကို ခိုင်မာစေသည်။

မြန်မာနှင့် ထိုင်း၊ ကိုရီးယား လူ့အဖွဲ့အစည်း အချင်းချင်း ချိတ်ဆက်မည်။
တရားမျှတမှု၊ ဒီမိုကရေစီ၊ တန်းတူညီမျှမှု၊ ငြိမ်းချမ်းရေး၊ ကျားမ တန်းတူညီမျှမှု(ဂျန်ဒါ) အစရှိသည့် လူ့အခွင့်အရေးကို အခြေခံသည့် သင်ကြားမှုများကို ခိုင်မာအောင် လုပ်ဆောင်မည်။
ဒီမိုကရေစီကျသည့် လူငယ် ခေါင်းဆောင်မှုဖွံ့ဖြိုးလာစေရေးအတွက် အွန်လိုင်း၊အော့ဖ်လိုင်း သင်ကြားရေးလေ့ကျင့်မှုများကို ဆက်လက်လုပ်ဆောင်မည်။
လူထုပါဝင်သည့် ဆွေးနွေးခြင်းနှင့် ညှိနှိုင်းခြင်းများကို ပြန်လည်ရှင်သန်စေမည်။

⭕ လုပ်ဆောင်မှု(၃) မြန်မာနိုင်ငံ လူ့ဘောင်တရားမျှတမှု အတွက် ပူးပေါင်းလုပ်ဆောင်မည်။

အဖိနှိပ်ခံ နိုင်ငံ၊ နိုင်ငံသားများနှင့် တစ်သားတည်း အတူတကွ ရပ်တည်မည်။
မြန်မာနိုင်ငံ၏ တရားမျှတမှုနှင့် ဒီမိုကရေစီအတွက် လှုပ်ရှားပြီး၊ လူ့အခွင့်အရေး ချိုးဖောက်မှုများကို ဖြေရှင်းမည်။
မြန်မာ ပြည်သူလူထု-လူ့အဖွဲ့အစည်း၏ အသံကို နားစွင့်ကာ လှုပ်ရှားမည်။
မြန်မာ ပြည်သူလူထုနှင့် အတူတကွ လုပ်ဆောင်နိုင်မည့် မူဝါဒ၊ ဆန္ဒဖော်ထုတ်မှုများနှင့် ဖိုရမ်များတွင် ပါဝင်ပါမည်။

⭕ လုပ်ဆောင်မှု(၄) မြန်မာနိုင်ငံနှင့် ပတ်သက်ပြီး မှန်ကန်စွာ သိရှိ နားလည်သဘောပေါက်နိုင်အောင် ကူညီမည်။

မြန်မာနိုင်ငံ၏ သတင်းများကို အရှိအတိုင်း မှန်ကန်စွာ ထုတ်ပြန်မည်။
ပြန့်ကျဲနေသည့် အချက်အလက်များကို စုစည်းကာ မဂ္ဂဇင်းအဖြစ် ထုတ်ဝေသွားမည်။
မြန်မာနှင့် ပတ်သက်သည့် အကြောင်းအရာများကို ဖန်တီးပြသပါမည်။
မြန်မာနှင့် ပတ်သက်သည့် အချက်အလက်များကို အသိပေး၊ စုဝေးထားသည့် ချန်နယ်ကို လုပ်ဆောင်လည်ပတ်မည်။